Bio堂既時侯, 佢問左阿王生一條問題, 成為左我地今日既序幕.
當Missy講緊植物運輸水份既時侯, 佢就問呀王生知唔知MioMio鐘意咩type既女仔. 果下我地為左朋友, 我地決定講出來. 剛剛遇著o岩o岩, 原來MioMio心目中果隻女神同佢咁似. 又係唔太長既秀髮, 同細細粒粒咁架喎……XDDDD

之後食晏, 我地都暫時拋低ATP既包伏, 去開開心心咁吃一餐飯.

我地一行人上左去樂華吃飯, 坐低, 發覺原來呀光頭一黨人就坐左響附近. 食食下我地發覺原來佢都係同光頭佢地一起吃飯啵.(平時唔係架!!)
開頭都無咩既, 一路食食食, 我地以經發現有d唔妥, 好似太靜喎.
想搞d野玩下, 不過阿瞿生喊停, 話唔好, 搵日準備好d先玩. 諗諗下又係, 所以就無玩.

好喇, 食完喇, 我地當然就要行返落去斜路啦. 忽然間, 我地醒起有幾次話想搵俊歌來唱呀Mio既. 不過一直都搵唔到, 今日忽然間有靈感喎!!
就係candy既[好心分手] , 同千嬅既 [有發生過]
我自已就覺得好掂咯, 成堆人都不亦樂乎……哈哈哈!

返到學校, 我地諗住入Lab.再玩啦, 點知鎖左門. 開頭我地係唱下歌咁啦(^^). 之後佢又來到, 見我地唱歌唱得鬼咁開心, 又問咩事啦一定. 我地無人答佢……點解?因為我地知佢一定又問阿Mio. 果然一如所料, 我地就全部行開晒, 得番佢2個, 嘩, 我地見阿Mio一個坐響度, 一雙眼向遠方望去果隻唏噓既feeling……無得頂, 怪不得佢咁死心塌地啦 !! >﹏<
Mio, 你係得既!!

去左我地既GAP堂, 維維又收回條. 吹脹, 佢擺明玩野啦, 我都未見過d課外活動回條唔參加都要交架. 我頂丫, 無野呀你?

上上下, 我地又開始身痕, 先先係阿卞瑛佢地晝聽日比賽條banner先既. 話晒有條banner點都威d. 之後我地就開始玩呀MioMio, 作左果2首詩畀佢. 真係好得咯我地理. 雖然我地係理科班, 但文采都非常一流, 真係唔講得笑!
想睇果2首詩??無問題, 睇”歌頌MioMio既詩”啦!!!

聽日比賽, 我地一定要加油!!
因為我地係中七理!!!

[中七理, 中七理, 小心我地中七理!!!]