今日放左學, 無留太耐, 就返左屋企.

上到車, 睇過四圍都無咩靚女, 又見有d累, 就合埋眼訓訓.

訓左一陣, 我畀人嘈醒左. 係2個坐響我後面既小學仔. 響巴士訓都預左畀人嘈醒架啦, 所以我都無咩, 就繼續合埋眼聽下佢地做咩搞到咁嘈.
原來坐響我後面既係一個男仔同一個女仔, 我估唔到佢地小幾呀, 因為我都睇唔佢地個樣或者佢地d野. 個女仔好有耐心咁教緊個男仔讀同解英文, 不過個男仔就衰喇, 教極都唔聽. 又窒番個女仔轉頭. 但佢自已又唔係勁喎.︶__︶

講番個女仔丫. 佢係新移民來架應該, 講廣東話講得都唔係咁好. 不過我聽佢讀英文, 反而咬得都好準, d尾音呀抑揚頓挫全部都好好. 仲有全部字都可以問起手就識解. 我覺得真係好叻女呀佢, 因為哩d有無畀過心機真係呃唔到人. 而且, 個男仔一直都唔專心, 又窒佢, 佢都一直咁教佢. 好犀利. 畀著係我遇到一個咁既人, 兜巴星左落去喇分分鐘……:P

我都唔知我想講咩架, 不過幾深印象, 咪寫落來咯~^^