今天晚上和公司吃完晚飯在巴士站候車的時候, 竟然碰見很久不見在starbucks共事的伙伴: 阿芝!
雖然一直都偶有聯絡, 但是卻是真的有一段時間沒有出來聚過舊, 這家伙都是爛gag王一名, 因此和她都可算投緣, 以下是我和她在巴士上的對話! (她也是住元朗的)

我: 咦, 轉左新工...點呀, 好唔好呀?
芝: 都幾好吖...雖然冇乜前途...
我: ......
芝: ......
(大家大笑)

話說阿芝現在在一間文化氣息濃厚的書店cafe工作...
芝: 你知唔知呀, 有日張繼聰借用我地個場做訪問喎, 佢行過泥去洗手間, 咁我梗係同佢笑啦, 跟住佢掛住同我笑撞左張吧枱度, 幾好笑! 不過佢都幾nice!
我: 你唔係覺得內疚, 而係覺得好笑!
芝: 不過佢塊面真係好爛, 堅爛!

又話說阿芝阿媽而家幫人湊仔喎...
芝: 之前聖誕節呢公司交換禮物喎, 咁我抽到一條男人T-back喎, 仲有隻大苯象响前面喎, 返到屋企之後我阿媽一手攞左出泥睇, 然後佢戴左落BB個頭度...
(註: 佢阿媽係唔知0個樣係乜, 仲幫個BB影埋相, 仲俾埋人地老豆老母睇, 但係人地老豆老母都唔察覺那是一條男人T-back囉)