十一月十一日

今日係remebrance day,放咩,話好似新年咁喔...但一啲新年氣氛都無,可能因為啲人走晒,但咁仲好,難得可以清靜吓,瞓到兩點幾先起身,太好啦,好耐未試過瞓十幾個鐘,無人嘈住晒(平時啲女仔成日係出面yiwa鬼叫,雖然我都係照瞓,但係始終唔係瞓得咁好...)之後諗住天氣咁好,做玩gym去影啲靚相.

但難得今日又見張航係度,咪問吓佢edmonton有咩好玩囉,之後同佢講講吓就到五點半啦...佢同我講咗好多佢自己去玩既經歷

同佢講完,忽然間好即興諗住下下星期走一星期堂去溫哥華同多倫多,因為啲機要超平,我好俾心機係度plan咗七日既行程...計埋條數,太滿意啦,超平,先八百蚊唔洗(去六個唔同既城市,唔包玩,淨交通同住食,坐四次飛機),plan到十一點幾,突然諗到一樣嘢...我又決定唔去啦,我決定下年要努力賺錢,到時請我爸我媽來玩...因為我依家已經知點樣可以玩得又經濟又實惠...所以諗諗吓,其實都無嘥到自己啲心機呀...而且又可以唔洗走堂,因為我發覺要靠人實在太唔實際啦...哈哈,越諗越開心,更重要既係我同hsbc嗰個人約咗十一月廿五日做phone interview,人哋咁有心,就算真係唔請我我都唔應該放人飛機啦,係咪:p 而且jenny又叫我嗰個星期唔好走堂,睇來好多原數都叫我唔好去...

哈哈,張航好搞笑,次次見靚我就係度狂踩拔爛地,話佢真係好stupid,又好嬌生慣養...話佢唔鍾意佢.我話唔係呀,我見你仲成日教佢數,佢話佢會因為我以後都唔再教佢,我話無必要呀,佢係佢,我係我,我先唔介意啲咁既嘢.唔好睇佢細細個,原來都幾大男人,今日我同佢話我哋下星期去calgary,佢不如一齊去,有個女仔 係哈爾濱來既,好靚女,又係year2,佢話如果係year2即係細過佢,佢唔會要,要為佢要自己既女朋友細過佢!!!我見佢行路捌吓捌吓,我以為佢做咩事,佢話佢前晚同人去飲酒飲醉咗同人打架...真係服咗佢...自己一個都唔好好哋照顧自己...不過自從嗰次442事件後,我都係覺得加拿大學生真係有啲暴力傾向...

唉...之前仲一路擔心要走堂,但依家唔洗煩囉,聽日又有得去行街...太好啦(rays話edmonton無嘢玩,所以唔會出去,佢哋聽日會去west ed"流"冰 -.-"唉....)

今日終於搞完啲相
imagestation.com/members/nyy717