十一月五日

今日一早同carlos傾咗一陣之後,又飛咗出去傾個無聊fin442,仲陣我唔食飯買咗飯添,點鬼知佢竟然淨係開十分鐘…

之後上完anth又係開個無聊anth會,簡直係浪費社費資源,個個都將啲notes抄一次,最抵死係個個都抄啲唔抄啲,咁咪即係又要自己睇notes…講到咁好聽話咁樣係為咗慳時間唔洗再睇notes,我先唔信佢哋真係個個都唔睇,因為個個抄既嘢都半桶水,鬼信得過咩(我都係…)之後又去問個prof嘢,唉,唔聽個頭已經夠晒大,聽完個頭仲大…我唔係聽唔明個prof啲英文,而係佢啲遊花園功力實在太深厚啦…我有時成日係度諗到底係我既理解能力有問題,定係佢既解說能力有問題,更重要既係有幾多人真係明佢講咩???不過算啦,佢話晒都係個好盡責同有熱誠既prof…

之後返hall…又係食飯(我發覺係呢度好似成日都食完又食,係咪因為我係香港真係太忙太唔定時呢?)今晚我哋十樓成團人去出面食(當然有人無去啦,包括我…次次有啲咁既大場面,啲女仔就好隆重啦,個個都低胸背心裙)我一早買咗飯,但就算我無買都唔會去)但今晚既三文魚飯真係好麻麻哋啦…

今晚到咗七點幾都仲見到隻嘢啲嘢係度,幾驚佢唔返,好彩最後都返咗,我之後去咗買包oreo食…超級貴…三十幾蚊(不過鬼叫自己為食,無計,低間死人學校吸我自既…)原本諗住分開幾日食既,但不得啦,我太耐無食零食,尤其係甜既嘢(好掛住香港既黑加倫軟糖…)食到未同carlos開會己經玩完…

之後同carlos開會…唉,今日就係咁又廢咗無溫書,都唔知科anth想點死…