今日第一堂考MID TERM...四個字---傷亡慘重,我諗我今次真係唔開齋都唔得,個PROF話淨返一分鐘時,我已經唔再掙扎,因為已成定局,覺得對唔住自己,有買書嗰啲先讀得咁差,無買反而好啲,次次都同自己講要早啲溫,但都係得個拖字,記得上次係因為知道可以唔洗DEFER,心情好惡劣,今次呢?一個字---懶,懶到出汁,我來咗呢度,無一科考試係可以溫得試,更加唔好講話要溫第二次...

之後442,成堂如果唔係要抄NOTES,我諗我已經一早去咗搵周公,好攰

LUNCH,見到個日本仔(上次PARTY識既)我一向食飯都係以高速,要自己十五分鐘之內搞掂,所以食相當然...佢坐係我隔離,我淨係見到係見男既,同我同一款飯,無留意到佢個樣,之後佢問我係咪個香港女仔,我先發覺得佢,之後一路食一路吹,用咗好多時間添(我諗住早啲食完飯去LIB刨報紙...)佢好似就住就住,見我食得咁慢(我就係咁,一做嘢唔專心就咩都慢,但一專心又咩都唔知)講咗好多嘢,佢都OK啦,又幾靚仔(個人感覺)見到佢令我諗起NARRIOA既男朋友,又係日本人,臨走前交換EMAIL,原來佢叫YUKI!!!!!!!!!哈,我話呢個唔係女仔名咩,佢話男仔名發音唔同既,仲有原本佢學過中文,佢識用普通話讀佢自己個名,我寫我個名俾佢睇,佢話日本既意思都係WELCOME!!!!!!!!一樣!!!太神奇啦=)

之後去圖書館溫一陣書後去HC準備上413,但太早,真係好,有得刨報紙,真係慘,美元兌加元創新低(我諗係因為我太黑仔,所以一來加拿大加元就狂升...)我鍾意睇呢度個報紙,但只係滙率版同廣告版(可能因為未行過街,所以成日都想知有啲咩可以買,但又無$$$$$$$$$$$$$$,所以咪睇吓算囉,當娛樂吓自己)

之後上413,RAYS遲咗好耐先來,來得問我MID TERM最高幾多,仲彈咗句"一定係你啦"我話唔係吓,咁多唔識都係我??之後派返真係有93(因為個PROF唔想我哋無心機上堂,話落堂先派)雖然我知一樣都有人一樣分,但都好過無,我後來發覺個PROF MARK DOWN咗一分,真係搞笑,MEAN得64咁低都仲MARK DOWN,人哋其他PROF80都MARK UP...但算啦,平時啲功課咁鬼差,希望可以攞到B+啦,話晒自己都咁懶...

之後又去溫書,因為聽日又要開會,兩個會,唔做啲功課真係唔係好掂,最搵命係星期一嗰科MID TERM,成八課書要睇,四篇ARTICLES,三十幾張NOTES(9IN1).........但我抄完ACCT NOTES(因為上之走堂,個JENNY好好人,唔單止借俾我抄,自己搵NOTES又幫我搵埋,真係醒!)又要食飯啦

今晚試一間新既,個伯好搞笑,我叫佢俾多啲汁,結果啲汁多到可以做粥...食得好飽

返來HALL搞個電腦,搞到依家先得閒(其實啲嘢仲未做完)APPLY咗兩份工,寫份CV寫到我死死啦,點鬼知其中一份個EMAIL俾人SEND爆咗,SEND唔到

聽日...我相信都唔方會得閒得去邊,我諗星期一嗰科人类學一定死梗....