十一月三十一日

可能自己真係老啦,琴日跑咗成日成身好酸痛,琴晚隻腳酸到成晚都瞓唔著...呢度咁乾燥都會腳痛...仲衰既係今朝起身左手手臂好痛,可能因為琴日攞住嗰二百幾張posters周圍行既原故啦...唉..真係折墮

一起身嗰隻嘢同我講話佢帶咗蛋糕請我食...又會無啦啦咁好死,朝早仲係度嘈喧巴閉(可以佢以為琴晚個FC俾我哋既糖係我請佢既...)晚上又係度問我食唔食薯片...我呢排咩都唔想食,一諗起啲MEAL CARD錢越淨越多就煩...

今朝一起身就又係好多嘢做,去貼埋啲poster之後就去搵個professor(我琴晚諗住唔做,點知個個人攞個porfossor來達我,叫我去搵個professor)點知個PRO要我要貼多百幾張...琴日貼二百幾張貼到我死死吓...但係又唔知點拒絕佢...

之後FIN442開會,一個無聊既會就係星期五就開過...

之後又再貼POSTER...

再上ANTH,上完又同班女仔係度吹水...其實我啲書溫咗一半都唔夠...都唔知點死.嗰ANGELLIQUE話叫我今次要抄啲答案唔好再話係NOTES邊度...唉.真無聊,有啲答案明明係NOTES度,都唔知抄來做咩,佢食飽飯無嘢做我唔係呀...算啦,鬼叫有啲題目唔搵佢啲真係唔得,但我覺得好無聊囉,又九成既答案都係係NOTES,都唔明點解要抄....

之後又係無聊414,上完CHECK EMAIL,先知HSBC要我係星期二早上填完份PERSONALITY TEST!!!!!!!!!!!!(我CHECK時已經係早上!!!!)最大問題係佢話SEND份TEST來但又無SEND度,之後求其做咗佢啲公司之前SEND來既一份.仲搞笑既係佢話遲啲要同我做INTERVIEW,打電話來做...洗唔洗咁嘥錢呀???(其實我最擔心既係電話INTERVIEW會好差...)

之後又去ANTH睇戲...又再貼POSTERS,再上網,到依家寫埋先可以開始溫書

好鬼憎自己,都唔知做咩又搞到自己讀唔切....