7月9日

湯小姐駕到!!!
哼,呢個湯小燕真係不得了,做翻譯做到差唔多斷六親
不過為左佢未來老公著想,佢終於辭職啦
如果唔係我地呢個小旅行都唔知幾時去得成

今日放工第一個任務就係去碼頭接佢
之後就等老恆放車我地4個嘈死人既靚女去食飯
老恆知阿燕黎就借車,車我地去我地啦
我地今晚去左皇朝唔知邊間野食飯
環境同味道都唔錯...阿文就遲大到...無D交帶

食完飯之後行出門口就落雨...都唔緊要
行到架車度,竟然發生左D超意想不到既事
就係因為天雨而令到個防盜失靈....超爆笑
當時老恆個樣真係超FUNNY
最後雨停左啦......我地遊車河去


去左路環個媽祖像....913果兩個白癡婆係度話驚,都唔知有咩好驚
最後阿文請我地去食糖水呢

7月10日

放工就即去佢CRAZY CLUB既女人集合
呵呵,坐威記巴士出發,再轉澳巴,再包車去到我地既目的地.天湖



班女人未行山就不停咁食蕉
拎著袋蕉邊行邊上山
嘩,今日個天超靚......不過勁熱咯,D汗好似唔洗錢
行左個幾鐘就去到"天湖"啦.....(應該係個水庫之類既野)
HEA左陣就落山搵食...食左豆腐花...再去隔離食農家菜
開頭覺得D價錢有D貴......不過食落都幾好味...HEHE
最後我地都係包車返去....個司機哥哥都幾風趣
一上車就同我地開玩笑:一黎就話架車既冷氣壞左
我地都唔緊要啦....開窗咯
佢又話窗都壞埋
我地一車六個女仔齊聲:下
好彩係講笑ja...大熱天時焗死都似
返到拱北滿足埋阿燕要修眉,阿wing同鎵惠要買bra bra既要求
最衰就係阿wing同鎵惠,搞到我又唔見錢
今個旅程個個都係香噴噴咁出去,臭到死咁返黎
哈哈...咁至係夏天最應該做既事
希望快d完成埋我地既大澳之旅啦

7月11日
等阿燕同老鴨訓醒都無左半日
阿燕又趕住返hk交人
食左個lunch買埋手信就急急腳走左
女生外向.......
希望下次有多D時間去玩啦
次次都係黎得兩,三日