2月19日

今日好忙呢

7點幾就起身

係蕃薯屋企去學校

食左個老麥早餐

依~我係第一個返到去既學生

返左成日學

一放學就要趕返澳門幫媽咪手

住得近觀音堂無咩特別好

就係一年入面有兩次可以借觀音既名賺小小錢

今晚係觀音開庫

我地要通宵擺擋

呢擋野都擺左十幾年lu

以前細個要返學,唔可以通宵幫手

今年阿媽開聲叫我請假幫手

是但啦…..反正公司又無野做

返到屋企hea左兩個鐘就開工啦

其實我都幾鍾意係舖頭賣野

可以見到唔同既人

有d人年年都黎幫襯

見到佢地就會有種”又一年啦”既感覺

我最記得有個男人

佢都算買得多野,不過好麻煩,左揀右揀

又嫌呢樣嫌果樣,我年年見到佢就行開加啦

有d人年年都會幫襯

不過要行哂咁多間,格哂價,最後都係返黎搵返我地

我地唔會賣得平過人,風車款檔檔都差唔多

只不過係d人覺得上年係我地度買左風車

上年成年都ok既話,佢地都好少會幫襯其他人

呢d係未叫”心理”呢

有d人幫襯開你,好爽手

揀岩風車,d字 ok(心想事成,身體健康之類)

連價都唔講

你話幾多就即磅水

當然我地唔會獅子開大口

心情靚仲自動減比佢添

有d人左揀右揀,又話d寫唔岩

又要你搵個新既;又要講價

減左比佢仲嫌貴

哼,我係唔減比佢加啦

佢又死企係度揀

我食硬佢,我一定唔會再減比佢

係舖頭賣野就係有呢樣好……夠free呀

有d人好無品 (尤其係師奶age30~50+)

拎起個風車,問幾錢

開左個價比佢,一聽就話:嘩,咁貴 (唔緊要,再貴都有人買)

仲要好大力咁丟我既風車,大膽

D阿婆仲爽過佢地呀

有d人好得意,可以講係迷信啦

我地d價錢通常都係幾多8(18,28),幾多3之類 (lucky number)

咁d人買多得,之後再減d比佢既時候

就會出現70幾,又或者幾多7

70幾既就會話:我唔鐘意呢個數,自動比多幾蚊,砌夠80

有個阿婆,我最記得

買左野(37塊),已經settle payment. 可以close file

佢先黎問幾多錢~~37蚊

佢即係好不屑咁丟多一蚊係張枱度就走人

今年特別多自由行

個個走黎襯熱鬧

錢,佢地唔介意洗

但係就成班蕃薯咁

A買左個大風車, B又話要

C,D,E &F 又跟住買

由於大風車有四分之三個人咁高

我地唔會擺哂出黎

佢地又心急

見張枱有咩就”立”咩

又唔問價錢(大風車同張上面既價錢貴好多)

比返錢佢又唔要……(都傻既)

塞比佢仲要解釋一輪 (真係唔得佢死)

仲多左D鬼佬

佢地知咩係觀音;會買關於觀音既野

有對Couple自由行

黎到影相(好正常)

女既見到個米奇老鼠風車(made in China)就好鬼興奮

個風車係上年鼠年賣剩

(其實唔可以叫風車因為佢已經無哂風車,仲要無埋上面對旗&柄)

大陸d野咩都可以擺埋一齊,

上面有觀音;下面有對米奇

佢覺得好funny,點解佢地可以同時出現係個風車上面

仲叫我地賣比佢

我地當然唔收佢錢送比佢啦(丟垃圾既路都可以慳返)

又影左我相,話佢地係唔知德國定係邊既記者

Hoho,可能係唔知幾時係邊度份報紙見到我既樣lu

唉,擺左十幾個鐘擋累死啦

我要揼骨,我要按腳