二零零六年九月十七日 星期日 晴天清涼

今天雖然是放假~

但我仍然好早起身呀~ 太約八點半呀~

因為我約了卜卜早上同我媽媽爸爸飲茶,
哈哈~好耐無同佢哋飲茶, 都幾開心啦!
食飽飽後我同卜卜就返教會啦!

今次返教會都幾開心呀..
係我和卜卜返第二次教會!
我真的好希望佢會認識到神更多啦..
還有, 真的很感謝神,
因為不知為何佢近來多咗放星期日呀
可能神真的有聽我祈禱^^
但願佢多放星期日我就可以同佢一起返啦..

返完教會後, 我同卜卜去旺角行街街...
之後, 我哋都想睇戲呀..
就去睇了~穿PRADA的惡魔(The Devil wears Prada)
哈哈! 其實我哋見報紙有四個apple, 先會老
睇完後, 我其實都幾好睇...又有靚衫..又有靚女..
而且, 佢寫的可怕office, 我真的好有同感呀...
我曾經做過間office, 感覺真的差不多..
又多嘢做, 咩都比曬你做..
真的當你成個"阿四"咁..走來走去...
見你新人就會"蝦"你..好似成機話你係~"傻瓜"~咁
做都不好又會狂話你..做得好又不會讚你,
因為佢哋覺得這是你的基本..
~所以其實這套戲真的不錯~
可以值得一看~
如果喜愛時裝, 就更要睇啦~

*********************************************************************

穿PRADA 的惡魔(The Devil wears Prada)

導演: 大衛法蘭基爾(David Frankel)
主演: 梅麗史翠普(Meryl Streep), 安妮夏菲維(Anne Hathaway),
史丹利杜斯(Stanley Tucci), 艾哲安桂尼亞(Adrian Grenier),
西門碧加(Simon Baker)

片種: 喜劇
級別: IIB
日期: 2006-09-14

在五光十色的時裝世界，新潮事物瞬息萬變，要站穩住腳必須夠台型都真材實料，而時裝界裡人人也將《RUNWAY》雜誌奉為潮流界裡的《聖經》。
做得《RUNWAY》的總編輯，裴美蘭（梅麗史翠普　飾）當然是時裝界裡最有權勢的大家姐，誰人斗膽開罪了她，今世註定不可能在時裝界立足！
《RUNWAY》成為國際時裝界的天書，裴美蘭擁有「遇神殺神，遇佛殺佛」的狠心，任何阻頭阻勢的人將會落得淒慘下場，不合得來而被她炒魷魚的卒仔已不勝其數。要從裴美蘭討得一口飯吃的人首先要忘記個人自尊，偏偏千萬紐約少女視能為裴美蘭辦事是一件夢寐以求的工作！裴美蘭的助手最近因為犯錯而被炒，造就了剛從大學畢業的沙安蒂（安妮夏菲維　飾）一個入行良機。沙安蒂在雜誌的曼克頓總部上班，卻未能與那班裝模作樣的「嘮叨觀音兵」同事埋堆而顯得格格不入，但她知道單憑著自信與鬥志打工仍未足夠。沙安蒂的最終考驗，是要得到這位全身PRADA的上司的肯定。忙於在時裝界呼風喚雨的裴美蘭，閒來仍有時間親自挑選近身助手。沙安蒂雖然不是那個職位的好材料，但她擁有一樣其他受聘者沒有的特質，那就是拒絕承認失敗的性格。先敬羅衣後敬人，沙安蒂知道要做裴美蘭的完美助手，首先便要懂得裝備自己。變身名牌潮女的沙安蒂令男友陣腳大亂，她惡補時裝知識，起碼不會將設計大師Dolce同Gabbana的身分調亂。與裴美蘭相處日久，沙安蒂了解到活在花花世界的惡死上司其實心靈異常空虛，她為了得到名利而付出了沉重代價，但這樣的犧牲又是否值得？