尋日家姐帶左兩個亞B黎食飯
終於可以見到佢地喇而且佢又肯黎食飯真係開心死呀
好耐好耐冇見喇好想見好掛著呀
唉......最衰最衰係我做哩份工人地放假得閒既日子我就要返工D時間顛倒晒最難就果個就係我因為咁我少左好多節目
幾個月有喇冇見咁耐唔係我放假唔搵佢地
而係宜家大B要返學細B又話要睧晏覺咁我咪又唔使去囉
真係好難得叫到你地過黎食餐飯呀
尋日落左黎等埋我一齊返屋企
今次大B可能大個囡左啦見到我地都冇再喊咯
又肯叫我隻手仔仲拖住我行添啊好抵錫鍚^^抵我送禮物俾佢既
著住我送俾佢件Polo衫(生日禮物)
而條裙仔係"佢"送俾大B架但係你唔會見到啦
尋晚我地又打邊爐喇正啊!好多海鮮食到好飽呀
大家姐我地幾時都係咁鍚你地架啦只不過係唔知你究竟點唸
好似講極你都唔明咁既你已經做左媽咪人地老婆喇
咁大個人都仲要媽咪佢地擔心你勞氣你架
差唔多十一點走喇下次都唔知幾時先會再黎好唔捨得
唸住送佢地去撘MTR我就走
點知大B就睧著左家姐佢一個人點搞呢咁就唯有送到佢返屋企
一路抱住大B成十幾個站冇坐過兩隻手都唔係我喇
乜我似媽咪咩??但係我聽到D人話我地一人一個.........望住我既眼神有D
是但啦係又好唔係又好我又唔介意既話時話幾時到我變成家姐咁呢
家姐佢話我成熟左著D衫好大個喎搞到自己老晒唔係卦
差唔多啦年紀都有番咁上下啦做左亞姨麻^^


計過喇今個月使左差唔多成四千蚊啊
要節制下至得再咁落去唔係辦法