我好掛住屋企...我真係好掛住屋企!!!!未試過依種感覺,之前響屋企既時候--好想可以出去外面讀書,好想快d無阿媽煩住......好想過一d"自由"既生活,好想自己獨立......
但係出到黎讀書..先知道阿媽幾好...先知道阿媽平時煮既飯有幾好食(以前仲成日都唔返屋企食飯,一係就阿媽叫成十幾次都唔出黎食)..真係覺得好對唔住阿媽..
仲有就係我細佬同阿妹..我響澳門既時候都無乜點對佢地好好......仲成日郁d就鬧佢地添...我返到去一定會好好咁錫佢地...
響依度....d人一放假就有得返屋企,跟住個宿舍就會好靜...靜到有d得人驚...而我呢,就對住四面牆啦...真係好羨慕放假一家人相聚既日子呀......仲記得岩岩黎到第一晚,我對著間房喊左成晚(喊到第二朝七點幾),好掛住屋企!!
真係好想攬住他地呀!!!!
話咁快就響依度過左兩個幾月啦...開始期中考啦!
仲有七十幾日就返澳門啦....."媽咪好掛住您呀!!!!"
快d到新年就好啦~~~~~~~~~~~~