2024-12-29 19:35:08Ｅｔｈａｎ～
２９／１２／２０２４
本身今日夾好左去建生一齊食PIZZA HUT，不過計劃就真係趕唔上變化呀～！！
事因我地今年呢個班底都多意外，中間多次聚會都因為唔同人有事而要缺席～？！
甚至試過好幾次最終搞到要改期呀，所以今年真係齊人聚埋次數真係好少～！！
因為屈妹同佢女女琴晚突然開始發燒，所以佢地就喝缺席左今日個聚會啦。。。
而地點亦都改返去屈姐屋企到聚下兼慶祝，而Angela亦都好好幫手買左蛋糕嚕～！！
本身就夾好左2:00pm集合啦，不過Angela同世俊都有事而遲左少少先到啦~！！
至於我同埋子瑜會合左屈姐之後，就先行落去樓下食返個下午茶頂下肚啦~！！
畢竟唔知遲到o既單位係咪已經食左野，點知佢地原來到場先至再叫野食當午餐～！！
我地大家圍埋今日都講左好多野啦，除左工作上問題之外都有講左好多開心野~！！
大家都有分享下唔同o既旅行或者新期見聞，主要都係俾大家一齊講一齊笑下嚕～！！
同時今次聚會除左真係想聚下之外，亦都有為聖誕尾聲而一齊圍埋賀下呢個節日～！！
當然是次另一個重點就係幫屈姐慶生呀，雖然形式係簡單左但大家都開心啦～！！
我地今次都有講到希望下年大家多d聚埋，同時都計劃下搵次一齊北上食下玩下喎～！！