2024-07-14 17:40:10Ｅｔｈａｎ～
１４／７／２０２４
而我地本身就夾好左12:30PM到屈姐屋企，而我就去屯門站先會合子瑜先~！！
唔經唔覺子瑜都接近一年冇見過大家，事因之前幾次聚會佢都冇出席呀～！！
當然屈妹，世俊同埋Angela都依然有同場，而家呢個班底都變左一個局喇~！！
我地都係用一個名義圍埋見下聚下啦，畢竟當中朋友有左小朋友之後就好困身～？！
所以我地都只可以用呢d日子同時間聚下，同埋都可以大家一齊講下近況啦~！！
再者屈妹同世俊個女女都可以一齊玩下，佢地又可以做到朋友咁都幾唔錯呀～！！
會合左子瑜之後咪同佢去左買泡芙，事因佢話想同大家一齊分享下開心下喎。。。
而蛋糕方面都只係一個形式啦，所以我地做主角o既都唔會介意個蛋糕係咩樣～？！
可以成班朋友一齊圍埋笑下聚下玩下，都已經係一件值得開心o既事情啦~！！
而我回程搭巴士返屋企之時，第一次試左我有㩒鐘之下都依然被飛左站呀。。。
之後同司機講左佢冇俾我落車之後，佢就叫我原車跟佢返出o黎去到目的地先落車~！！