2024-01-01 16:09:03Ｅｔｈａｎ～
～～２０２３～～
於呢一年都可以話經歷左唔少事宜，尤其係疫情前後改變左唔少生態~！！
而我自己亦都因為呢一切已經改變唔少價值觀，比起以前已經少左同朋友見面~？！
年初時間都一樣唔少得生日同新年飯局，不過已經唔似以艽咁多同咁齊人喇~！？
而我會見都係見D會令自己開心同想見o既，因為時間會為自己過濾不必要o既人~！！
而今年亦都真正體會到有人來有人走，從前好重要o既單位今年亦變得疏離左呀～！！
至於工作上繼續一直忙一直忙呀，而家人方面就連番出現身體問題而令我另一忙碌事宜～！！
好多時間都為左照顧家人生活同工作都搞到自己好累，不幸地下半年自己身體亦都出問題～！？
今年就去左兩次日本旅行、一次澳門旅行同兩次大陸遊，係自疫情通關後o既一個突破呀～！！
至於今年生日場次亦都比往年少左喇，事因我都只係同左Ｄ有心人一齊見面聚聚咋~！！
不過都深明到人與人相處之間係雙向啦，的確時間真係唔夠去俾我應付太大量無謂應酬嚕～！！
而演唱會環節都係自疫情後再次出現返，同左幾個單位去睇左數個演唱會的確好開心呀～！！
畢竟音樂可以治療我心情呀，同時從音樂及歌聲中搵返好多曾經o既片段同埋回憶呀～！！
好多野都因為疫情而停擺左好長時間，今年能夠同唔少有心人一齊去經歷都係幸福嚕～！！
每次去約見唔同朋友都希望得到一種共鳴，好朋友從外國返來當然都要齊人見一見啦~！！
好多好多曾經都o係心入面湧返出o黎呀，人大左值得自己去珍惜o既人就變得更加重要呀～！！