2023-01-25 09:47:35Ｅｔｈａｎ～
２４／１／２０２３
今日都係從簡形式一齊慶祝下新年，當然都係同時慶祝埋新抱仔早前o既生日啦～！！
早上11:15am左右阿仔就開車o黎接左我先，及後我地就去附近酒樓買野食返佢到~！！
事關我地計劃好連埋孫仔一齊係屋企食晒野之後，就開車出去西九文化區到行下啦~！！
畢竟早前聖誕節都因為佢地一家三口病晒而未能一齊慶祝，所以趁住今次一齊出下去~！！
是次同阿仔見面當然都傾左唔少野啦，而主打都係講下生活問題同埋人生上各事宜呀～！！
工作方面就同新抱仔一齊講下呻下，而呢次大家講o既野都係同人生際遇上o既野較多～！！
對住佢地其5都係好輕鬆同埋開心呀，始終我可以完全唔需要考量任何野去做返自己嘛～！！
至於我個孫仔都大個左唔少啦，今次見佢又都覺得又實淨左同埋真係非常之食得呀～！！
同佢一齊玩下又俾佢食下野都係開心o既，呢種簡單就係小朋友俾到我o既治癒呀～！！
我地好簡單咁遊走左西九一陣之後，就一行人返去元朗到買d野準備今晚晚飯啦~！！
因為我地邐好左買壽司做今晚晚餐呀，同時我地趁住要等野之時就行下買左少少野～！！
傾下計、影下相同埋講下笑話一齊笑下，呢種聚埋o既感覺其實就係最開心同舒服～！！