2023-01-01 20:05:09Ｅｔｈａｎ～
～～２０２２～～
終於到左2022年尾聲，同時亦都係一個疫情生活之下o既尾聲喇～！！
過去三年幾好多生活方式都改變晒，而今年亦都係過得非常之唔容易呀～！！
依然好多工作問題要解決啦，而生活同埋健康方面同樣都係出現左唔少問題～！？
今年的確係比往年更少同身邊ｄ朋友見面，就算係見而都只係一ｄ重要日子聚埋~！！
同時今年有搞o既生日飯局再進一步下滑，唔知係咪大家價值觀都唔同左呢~？！
今年好多本身係重要人士o既單位都少左見，除左疫情就係因為工作關係而夾唔到~！！
當然中間係牽涉到唔少人心態都已經唔同左啦，所以就算少見左亦都係一個事實~！！
至於今年有兩件事係令我好深感受啦，其一就係阿沈整個婚禮要分開日子搞兩場啦~！！
而另一件事就係阿Ming一家大細移民去英國呀，畢竟好朋友一一離開都真係感受好多~！？
生日飯局方面今年都係比以往咁多年難搞左，因為好多時都係俾疫情搞到時間表亂晒～！！
不過今年年中就多左一個新生命出現啦，我個孫仔出世之後都改變左好多生活上o既野呀～！！
阿仔今年都係因為忙於要返去大陸工作關係，我同佢可以見面o既時間加埋連半數都冇嚕～！！
同時都係被疫情影響關係啦，所以今年好多節日其實都係冇乜特別慶祝就過去左喇~！！
或者經歷左呢幾年時間之後更加了解左自己，亦清楚明白到身邊ｄ人同自己係咩關係啦~！？