日本超夯露營週邊.先搶先贏 贊助
2022-07-31 09:34:27Ethan~

30/7/2022


今年生日飯都接二連三咁出左問題,所以好多朋友都依然未有時間聚埋~?!
不過一切都係隨緣啦,或者自己已經過左o個個一定要同一班人慶祝o既階段~!!

總之邊個有心就繼續行落去就算,至於阿仔今年就因為小朋友出世而調左今日~!!
我地都真係好幾個月冇真正見面坐低傾下計,而今日終於都可以一齊輕鬆傾下野嚕~!!

是次安排都係以輕鬆同簡單為主,阿仔晏晝接左我之後就落左去元朗飲茶啦~!!
及後我地就去睇返場電影一齊笑下輕鬆下,畢竟都唔駛用腦可以開心下都唔錯呀~!!
至於下段就返去佢屋企晚飯兼慶生,當然都係要有埋新抱仔同埋孫仔一齊啦~!!

小朋友出世至今都係第一次見佢咋,佢都真係好好肉地兼且感覺又好乖仔呀~!!
同佢玩下又抱下佢影下相就梗係重點啦,畢竟我係家族上一個最後生o既爺爺呀~!!

至於今日都係有同阿仔同新抱仔講下生活事宜,至於感情線就變左係次要問題啦~!!
不過佢地都有提到結怡早前私下搵過阿仔,原來佢想阿仔拍段片俾我同我賀生日呀~!!

我地大家圍埋其實都係咩都傾一餐,同時大家都係唔需要去包裝d咩就可以直接講~!!
而呢種相處感覺係最自然同埋最舒服囉,同時今次我地都重點談及到朋友間相處之道啦~?!
畢竟人大左之後好多環境同想法都唔同左,究竟點樣可以令到一段關係得以維持係學問~?!