2022-07-01 20:22:35Ｅｔｈａｎ～
１／７／２０２２
至於今日行程就由結怡負責安排啦，不過因為打風關係亦都只可以做半場~！！
加上上午時間又因為交通問題塞左一陣車，加上過海之後就突然間變到橫風橫雨~！！
所以我地都只可以o係銅鑼灣到按計劃食飯先，事因呢轉係我生日第一餐慶生飯～！！
我地兩個其實都係咩都講下咁啦，就算係認真或者無聊野都可以講一大堆啦~！！
當然自己大左都唔係期望生日仲有咩突破喇，而家亦都冇左以前o既期待同興奮～？！
每次都只係希望身邊o既朋友可以齊人見到面，圍埋一齊食餐飯有講有笑就好好喇~！！
尤其近年壓力比較兼且部份人事關係變動啦，所以自己心態都係同以前唔同左啦~？！
依然仲會記得我生日o既朋友仔都已經好難得，所以我都好感恩身邊仲有呢班人啦~！！
完成左一個輕鬆而且唔錯o既午餐之後，我地就搭免費電車落去中環街市到行下影下相~！！
本身仲計劃左下半部份o既節目就因為掛八號風球關係，而無奈未能於正日完成埋喇~！！
不過佢亦都查到有一班930免費巴士可以搭返過海，最終我地都決定天氣問題而早散嚕~！！