2022-05-07 19:34:40Ｅｔｈａｎ～
７／５／２０２２
等到咁長時間終於再一步放寬社交距離，所以我都要同班朋友見下面聚下啦~！！
加上阿Ming同Kris佢地將會離開香港去英國，更加希望o係佢地走之前盡量再聚下~！！
本身今日應該仲有阿沈會到場，無奈佢打完針之後有唔舒服而缺席今日聚會嚕～！？
可惜係埋尾時間都依然係未能夠齊人見下，唯有等下個月到佢新屋入伙就再聚嚕～！！
再者下次見面就已經係阿Ming一家離港前最後一次，希望到時可以一切順利冇事發生~！！
至於今日就因應結怡早前問左佢朋友借左間畫室，所以我地就有個地方可以聚埋嚕~！！
是次會面大家都有講下之前因為疫情問題o既事宜，對第五波疫情各位都深感無奈啦~？！
正正就因為呢次疫情搞左咁耐先令大家中間冇得見面，加上大家又唔少人中左招添~！！
圍埋都係講下生活事宜為主啦，當然都有問及佢地即將移民一事上ｄ安排同計劃啦~！！
阿Ming早前於疫情期間已經辭左職喇，至於阿Kris都已經打點好晒去英國堆安排囉～！！
完左呢場簡單飯局聚會之後就講好下月再會，而佢地一家就去打算附近行下睇下野啦~！！
至於我就落荃灣處理埋ｄ野先返屋企，而結怡就陪到我有車o黎就自己去買埋野先走嚕～！！