2022-04-24 20:17:19Ethan~

24/4/2022


又到左一年一度生日飯時間啦,至於今次個主角就係Phoebe喇~!!
慶幸疫情開始有好轉可以有返D活動,同時都趁住司欣放假就約埋出去玩~!!

佢地今次揀左一齊去長洲到玩下同行下,所以我地今日就好早就起程出中環~!!
事因我地約左10:00AM出到去會合埋,不過主角一家就因為交通問題遲左一個鐘~?!
既然大家都已經遲左先出發去目的地,所以我地今次就決定無論快船定慢船都照上~!!

因為明天我地都要返工返學呀,加上我今晚又因為屋企個寬頻工程而要早返屋企嚕~!!
所以我地今次就決定左一到目的地就先食飯,加上呢餐就正式當係今年o既生日飯喇~!!

圍埋大家都係講下最近生活事宜啦,不過最近期大家都係返工或者在家工作為主喇~!!
早前真正可以約埋出去玩o既時間根本就停晒,所以我地都趁佢放寬左就約出去見下啦~!!

而且今次行程主要都係行下同埋食下野啦,計劃上亦都算係好輕鬆就完成呢一日啦~!!
同時大家見疫情後可以再約埋出去玩,咁我地都開始有返部份計劃o黎緊想去邊啦~?!