2021-01-16 18:07:05Ｅｔｈａｎ～
１５／１／２０２１
同時亦趁住屈姐剛剛搬左新屋喇，所以我地都有個地方可以見面傾下計~！！
去年一路都因為疲情關係，而多次令到原來計劃好晒o既野都一改再改~？！
至於今次就放工之後過到兆康啦，事因佢今次就搬近返過o黎呢邊呀～！！
我地最後決定左去買老麥做晚飯，之後就上佢新居到睇下兼傾下計啦～！！
原來我地唔經唔覺已經識左接近三十年，講起都的確係一個難得o既奇蹟～！！
現今識人好多時都係講關係或者因為利益，仲可以繼續o既就應該好好保持～！！
除左講談及到我地工作上好多事宜之外，今晚仲搵到好多好多共鳴感添呀～！！
畢竟人生除左工作之外𦭐係生活啦，但係生活當中亦會經歷好多好多唔同野~？！
當然除左同家人相處之外，同事同埋朋友就係人生之中好重要o既一環啦~！！
傾到關於點樣維繫人與人關係之餘，同時都有講到關於價值觀等問題嚕～？！
好似從前家族成員亦一樣隨住時間過去，宜家好多關係同埋心態已經大不如前~！！
重要o既係。。。究竟人與人之間到底有冇擺個心落去咁真正認識同了解過～？！
就算身分同見識唔同左，大家都依然可以靠一份初心去維繫一段感情嚕~！！