2019-12-14 09:33:24Ｅｔｈａｎ～
１３／１２／２０１９
今日係阿仔同君怡大婚之日，而我呢個做老豆就今日負責做全場總監製啦～！！
事因我主要功能就係協調所有合作單位，不過今日班兄弟同Admin都好犀利～！！
佢地全程個配合同埋行動能力都好高，至於班姊妹就真係全部人都鬧爆嚕～！？
我同穎中最早到場準備早上環節，不過先後因為唔同單位問題而一再延誤啦～！！
慶幸下半場我仲有司欣同埋敏淇到場幫手，因為佢地兩個都真係有經驗同埋能力～！！
全日基本上都係睇住時間做唔同事宜，再者今次個show真係好大型兼多野處理～！！
所以好多環節都係玩臨時變陣同埋改左rundown囉，呢d時間的確考協調能力嚕～？！
上段時間原先預計都相對會輕鬆少少，但事實都真係唔可以諗得太過美好啦～！！
至於下半場個安排就更加係一大挑戰啦，好彩是日大會司儀都非常幫到我地呀～！！
而我同家族成員就只係夜晚食野時間見左一陣，畢竟我今日都一直忙碌緊嘛～！！
同時多位以前老師亦有到場啦，所以我地大家都有搵佢地影下相同埋傾下計嚕～！！
至於我就一定要留守到最後所有程序完成晒，先可以同穎中一齊離開返屋企呀～！！
而今次宴會當中令我最難忘o既，就係個仔o係台上面致詞時候公開多謝我囉～！！
睇住自己個仔真正踏入佢人生另一階段，自己今日都真係覺得百感交集囉～！！