今日收工之後約左阿仔出去尖沙咀，事因我之前訂左套西裝要試身～！！
而且呢次造衫係因為阿仔結婚當日要用，所以佢就要陪我一齊出去一次～！！

至於收工時間就同『男神』一齊走，中間就梗係傾左好多唔同話題啦～！！
再者今次係佢第一次識主動同我一齊走，以前o既佢就真係見人就閃開嚕～！！
或者我同佢久經相處之後，關係終於再向前行左一大步而令大家變到朋友～？！

當中話題除左涉及到工作之外，生活同埋私人事都有趁今次車程真人對話下～！？
而佢仲講左佢存在有不肓基因呢個秘密我知，而我聽到就梗係打左個突啦～？！
雖然成日聽到有人會有呢ｄ問題，但我完全想像唔到o係發生係佢身上嚕～！？

至於到步會合左阿仔之後，我地就先去左試返套衫再去食埋個晚飯啦～！！
中間又係談及到好多人際關係o既問題，同時大家又研究下點樣處理公關問題～？！
畢竟我地宜家要學o既野只會越o黎越深，所以話題個深入性唔單單只係講生活～！！
始終好多事宜大家都需要去面對同學習處理，咁樣先會令到我地更加進步嘛～！！

而呢樣野亦係我近年比較大轉變啦，始終我宜家接觸o既人都唔係差o個批～！！
當我同阿仔行去車站返屯門o既時候，仲要撞見Andy同埋阿沈咁咪打聲招呼嚕～？！