唔經唔覺已經係第十八年時間。而今年亦係佢做仔最後一年生日喇～！！
一如以往都係安排左去唔同地方食飯，當然都係分開早晚各一場～！！

至於事前準備功夫當然一早就做左，而今日亦請左兩位嘉賓到場～！！
佢地每人各自負責出席一場飯局，至於禮物同埋蛋糕亦由佢地協助準備～！！

我同阿仔先約左10:45AM一齊搭車出港島，究因第一場係去灣仔食野～！！
而首場呢位嘉賓就係屈妹喇，去程時間都係同阿仔講下最近Ｄ事宜啦～？！
畢竟大家最近工作同埋生活上都好多野發生，佢就更加係不停咁拆彈啦～！？

由於今年對我地o黎講都係好特別，所以阿仔比起往年亦都特別感慨呀～！！
不知不覺間已經一齊經歷左咁多野啦，當然屈妹亦都係睇住佢一路成長啦～！！
一路行到去今日大家都認同係唔容易，始終中間都需要經過唔少考驗嚕～！！

至於完左首場飯局之後，我地就轉戰去中環到食返個簡約o既生日TEA啦～！！
事因屈妹話生日就點都要食下蛋糕先算慶祝，所以佢就提議加入呢場～！！

及後我同阿仔就返去尖沙咀到準備下半場時間，而呢場嘉賓就係君怡啦～！！
而未去晚飯地點之前就先去新K11行左一陣，之後就過去準備食晚飯～！！

當然晚飯時間都係一如以往咁圍埋講下周圍事宜，而且又趁機一齊呻下嚕～？！
始終君怡出o黎做野時間都唔算耐，加上好多做人處世o既野又未夠精啦～？！
而呢場埋尾當然就準備左生日蛋糕作結，完晒所以環節之後就要準備返屋企～！！
不過因為今晚我地屯門有示威事宜搞到封路，所以我地就要兜入上水再返屋企～！！

至於事前令我最估唔到o既係，阿仔竟然同我講佢前一晚竟然緊張到訓唔著呀～？！
可能今年始終暗中帶住一種意思，加上佢都回憶返唔少以前一切兼且好有感受啦～？！
再者完成左呢一轉慶生環節之後，接住下一個大Show就係到佢自己個婚禮喇～！！