今日約左『男神』同Toby姐姐一齊食lunch，而呢轉安排早於三月話約～！！
而本身就計劃左去五月到食o既，不過一直因為各種問題而拖到o黎七月嚕～！！

今次繼續都係咁樣約法，無論係地點同埋班底方面都係同上一次一樣～！！
而我地今次就梗係講下笑互窒下先啦，尤其我同『男神』就更加玩得呀～！！
除左鬥下咀同埋講下笑之外，我地都有講下關於工作方面o既事宜啦～！！

特別係公司入面ｄ人物關係圗，加上『男神』又講下對唔同人o既睇法啦～！！
至於我同Toby姐姐就一齊問下佢生活上事宜，原來佢ｄ即場反應係好緊張～？！
同時佢都有提及到關於旅行事宜，當然我地就梗係睇下佢講咩而去發問啦～？！

佢o既生活似乎都比較單調，除左返工就係放工返屋企做下gym或者網購～！！
甚至連去旅行都係喜歡自己一個，咁到底佢咁樣o既生活方式悶唔悶呢～？！
事因佢話自己喜歡放工後就玩自閉，就算放工見到其他人都唔太喜歡講野～！！

問及佢會唔會出去掛牌行醫一事，佢就覺得宜家個生活狀況都已經唔錯啦～！！
加上我地都認為佢留返o係到好似仲好，至於佢自己亦都話應該就唔會出去嚕～！！

而當我地轉為談及感情線一事方面，佢o既反應就變得更加緊張同埋好笑喇～！！
我就好直接咁答左點解仲未想拍拖喇，至於佢似乎係未搵到一個o岩條件o既人～！？