都有一個月時間冇聚埋過喇，事因之前大家都身體出現問題嘛～？！
加上大家工作上都比較忙難夾時間，所以今晚平日都見一見先啦～！！

而今晚都係同Phoebe，Jacky及司欣見面，地點咪又係上虹橋間屋～！！
不過我就要放工後先可以去會合司欣，事關我地負責去買今晚Ｄ野食～！！
至於Jacky就真係比以往都遲返到，原來佢公司有野要處理所以遲走～！！

我同司欣買完晒野之後就上去啦，等埋Jacky返到o黎就可以正式開餐～！！
而今次大家見面都有提到工作方面事宜，畢竟最近大家壓力都大左唔少～！！
至於家族成員事宜方面只係講左少少咋，最重要都係抽ｄ奇怪事出o黎講～！！

而早前BB就因為意外整親個頭，幸好佢都已經好返就回復返正常喇～！！
當然每次見到佢都會同佢玩一大輪，加上司欣每一次都會準備禮物俾佢～！？
同時同佢影相都係唔少得啦，再者今晚呢個突然慶生環節係有埋佢份～！！

佢出世之後都先後參加左幾次慶生，所以呢個BB已經係重要一員喇～！！
原意係諗住今個月大家未見過面聚下，點知最後就變左我o既生日飯局～！！
至於下個月飯局就會繼續努力夾期,事關我地都期望每月至少見到一次～！！