今日第二次同阿沈佢地北上，事因阿Ming同阿Kris要上去睇結婚野～！！
所以我地今個月就改為北上行街兼食飯，同時又幫阿沈預祝埋生日呢～！！

約左1:00PM去到落馬洲站等，不過佢地就全部人都遲晒大到呀～！！
最終我地詔到去深圳之後就先搭車去食lunch喇，及後先再行街睇野～！！

由於年尾時間佢地就結婚，加上阿Kris轉左新工之後又非常之忙啦～！！
所以我同阿沈就應承左阿Ming幫佢手，畢竟搞結婚事直都真係好忙～！！
我地計劃左之後每舍月會面，都會一齊將需要處理o既工序逐一解決～！！

之前已經明白阿Ming點解搞結婚咁大壓力，而今日見埋阿Kris就更明白～？！
佢地雙方都各自有唔同壓力，至於今日亦都俾左機會阿Kris去同我地傾下～！！
大家作為好朋友都應該係互相幫忙一下，而且佢地為人我地都好清楚啦～！！

阿Kris就好多謝我地一直幫佢地手之餘，仲會特登陪下阿Ming去傾下計～！！
至於是次會面亦都有一齊去睇下當日ｄ衫，事因阿Ming仲有衫要準備下嘛～！！
加上我地都想聽下阿Kris個方向同諗法，始終我地著手去幫都相對容易ｄ嚕～！！

當然圍埋見面除左講及佢地結婚事宜之外，生活同埋工作事宜都會談及到～！！
大家最近都因為工作上問題而煩惱緊，同時大家做野方面都非常忙碌啦～！！

我地就咁周圍去行下睇下試下衫又食下飲下，咁就已經搞左大半日時間喇～！！
隨後大家都決定左食埋晚飯先一齊走，事關原定計劃就只係我同阿沈返o黎咋～？！
但係因為阿Ming唔舒服所以就決定一齊折返，而最後環節就梗係慶祝生日啦～！！

之前已經同阿Ming夾好左今日會周阿沈預祝，而且呢個亦係我地圍內傳統～！？
而今次行程當中大家都好關心我感情事宜，畢竟佢地都希望我快ｄ搵返個伴呀～！！
同時佢地今日又成日讚我夠晒細心同好明白女仔，所以會係一個好男朋友喎～！！
雖然我唔明白點解大家都會覺得我係浪漫型，不過我自問自己應該係實際型啦～！？