14吋獨顯筆電界的名模生活 贊助
2019-03-14 10:08:03Ethan~

14/3/2019


今日係我同『男神』突破性o既一日,事因我地今日一齊去Lunch呀~!!
其實呢個約會就講左近兩個多月,不過一直都等到o岩時機先可以做到~!!

主因係我隔段日子就會同Toby姐姐食飯,之前佢又問及話想加入我地喎~!?
咁樣我咪諗住玩下佢真係話約佢囉,點知佢又真係肯應約唔甩底先勁嘛~!!

由於我本周放假唔使返工,但我地主要又係就返佢邊日方便先可以約啦~?!
日前佢又因為屋企有事而一度要改期,所以最終就揀左今日一齊去食飯喇~!!

三個人圍埋梗係講下八卦野啦,再者佢早前o係公司黑面核爆件事又夠堅~!!
所以今日見面咪梗係又講返下啦,而且佢有呻下佢對於人事上及工作不滿嚕~!?
當然佢就一定好想知道公司堆是非啦,事因佢個人比較自閉而少同人溝通~!?

至於我同Toby姐姐就梗係收到唔少風,既然佢同我地關係唔差咪爆d俾佢聽~!!
其質一直以o黎我都有私下同佢傾計及爆料,畢竟我地o既關係唔適宜曝光呀~!!
而且我地都深明公司耳目多兼是非多,有共識下覺得私聯係比較安全o既做法~!!

當睦我同佢關係一直都備受關注,唔知點點解身邊d同事特別關心我地囉~?!
就住呢樣野今日家都有一齊講下呢樣野,至於佢自己都有話諗唔明點解咁嚕~?!

由於是次會面時間始終有限,所以佢地唔係可以傾到太多野就要準備開工啦~?!
所以完場之前Toby姐姐就話下個月要再約,而今次餐飯仲要係『男神』請添~!?
我入左o黎做野咁耐從未聽過佢會請人食野,至於呢個世紀大突破真係需要留影~!!