步入左本年度第一季尾聲時間，本星期我雖然係放假但都排滿晒野做～？！
之前都已經同家人忙住處理佢地o既事宜，至於今晚就見下朋友啦～！！

事因最近都有唔少盛宴要出席，當然除左生日飯局之外就仲有其他啦～！！
稍後時間家人又準備結婚，所以呢排都係幫手處理緊部份事宜先嚕～！！
及後又有好朋友要結婚亦要幫忙，所以呢段時間都係忙住做呢ｄ事宜～！！

早前搞完左Beeus百日宴之後，我地今晚就約左屯門到晚飯見下面～！！
不過我就知道Phoebe同Jacky呢期多左問題，而且中間仲有ｄ不愉快～！？
事關我地約親見面都會傾下心事，而且Phoebe要趁Jacky未o黎就呻下～！！

而我咪同佢地講下最近返工唔開心啦，同時都有講過下半年睇演唱會嚕～！！
畢竟宜家Jacky間公司有機會幫手搵到飛，所以咪叫下佢幫手留意定先囉～！！
加上我地話計劃旅行事宜又未能夠落實住，率先就諗下有咩活動可以玩玩～？！

是次會面除左談及返上次百日宴之外，家族其他成員問題都有講一講呀～！！
畢竟稍後時間就有各人生日飯局，加上我地又又著手計劃下之後有咩想玩～？！
原先計劃左o既澳門遊會繼續想本年內做，不過應該可能要等到下半年～！！

至於camping 2.0版今次亦有傾到，不過我地就轉左個諗法去做啦～？！
事因我地都計劃想o係附近Book間酒店房玩，順便可以做埋慶生活動嘛～！！
由於下個月就到Phoebe及屈妹生日，現階段仲諗緊係咪搞合併慶祝嚕～！？
但係因應各項活動最重要係夾到個期，所以宜家都仲係處於暫定階段咋～！？

至於完左飯局時間之後，我地幾個仲去虹橋食糖水傾多陣計先再散啦～！！
呢部份時間主打講返感情生活問題，畢竟呢個都係家族上最大問題之一嚕～？！
不過陸續出場各人o既另一半表現方面，其實都係好影響大家係咪可以再約～？！
始終宜家人事問題只會越o黎越複雜，所以每次揀人出席聚會都係問題呀～？！
雖然我地個大方向都係好想齊人玩下聚下，但係當中有人唔合作就相對麻煩～！？