正式步入左三月份，至於本月第一場聚會就係Beeus個百日宴呀～！！
雖然今次都未係所有人到齊，但係我地圍內自己人就好多都有到嚕～！！
其實都可以話係一個小型聚會啦，所以大家都趁住今次開心聚一下～！！

至於我同司欣就約左3:00pm去左元朗先，事關我地要去買賀禮呀～！！
畢竟我地兩個同Phoebe都係重點好朋友啦，所以我地會做足好多嚕～！！
除左我地各自買左條金(鏈)俾bb之外，人情亦都有做埋俾佢地呀～！！

我地同司欣揀左一輪禮物之後，就正式決定左要買ｄ咩俾是次主角～！！
及後我地就返屯門到飲個下午茶先，事因元朗o個邊真係太多人喇～！！
我地兩個見面都有談及下家族ｄ問題，當然我地都有計劃下本年度事宜～！！

之後世俊就率先過o黎會合左我地先，隨後佢地就因為要買禮封同撳錢～！！
其實搞搞下都差唔多時間要過去會場，當然大家亦到開始陸續到場啦～！！

至於我地到場第一件事情，就梗係搵左佢地兩公婆同主角傾陣兼影相先～！！
而我地亦都要將禮物同埋人情交俾Phoebe呢，至於屈姐比我地早到左～！！
所以佢就已經o係會場到幫一幫手整下野，隨後盲齊傾下計同玩陣bb啦～！！

未正式開席之前就已經有人想打牌，所以世俊、司欣、屈姐及子瑜就一齊玩～！！
至於我就梗係周圍走同埋去搵Jacky傾下計，當肥豆到場後就同佢亦傾左陣～！！
而屈妹就因為返工問題所以較遲先到場，咁樣我地就梗係夾下下星期活動嚕～！！

我地都好耐冇試過咁樣較多人圍埋，所以大家都有傾下再約埋一齊去玩啦～！？
當然旅行計劃亦係一個已經講左數次o既事宜，宜家係先傾好左短途先呀～？！
即使係過去深圳或者係澳門都講緊係咪成行，加上唱K計劃又一直都講緊啦～？！
但係呢ｄ活動始終需要多ｄ人先開心，所以就要睇下大家個檔期夾成點喇～？！