每個月都會同屈妹聚一聚，事因呢個已經變成左一個習慣喇～！！
畢竟大家一齊出去行下傾下計，都係維繫關係o既一種好方法啦～！！

而且我地兩個又比較易話為，所以好多時候夾到日子就可以出去～！！
原定今日行程就會去離島到行下，但因為我地身體都麻麻地就轉行程～！！

加上我又有新衫同新鞋想買，最終我地就決定去尖沙咀到行下囉～！！
至於我地今日行街就梗係有收穫啦，而且我都好耐冇買過新衫褲喇～！！
最無奈其實係我次次睇中都冇我碼，同埋宜家Ｄ款又真係好一般～！！

當然今日會面都有傾到唔少話題，而當中更有唔少係涉及到家族啦～！！
事因稍後時間Phoebe個女女會擺百日宴，而我地都有同佢講過下嚕～！！

同時關於世俊及正方o既事宜，今次都一樣有去講下佢地o既情況啦～！！
至於我o既感情事問題同樣有談及，而阿妹就叫我一切順其自然喎～！？

而有關本年度部份家族活動計劃，今次都有抽到時間去傾一傾啦～！！
畢竟每年都有唔同野擺o係年度計劃裡面，當然呢Ｄ野都又有影響性～！？
當中所有o既方案同埋計劃其實反映出唔少野，而大家亦都心中有數啦～！！