2018-08-18 11:36:55Ethan~

18/8/2018


宜家仲會定期咁一齊見下面o既朋友,已經係開始買少見少喇~!!
至於我同阿沈及阿Ming今日又再聚,事因我地又一個月冇見嚕~!?

今次係就返阿沈去完旅行之後先約,所以今次都主打講下旅行先~?!
事因我稍後時間又係去澳洲玩,趁今次就梗係八卦下有咩行程好玩~?!
而佢今次去o既日數就比我多,所以我就只好揀d出o黎做精選嚕~!!

今日聚會目的地就係尖沙咀啦,我地除左談及到旅行之外就去左行街~!?
是因佢地話想去附近個商場睇下『美少女戰士』,呢d咪叫童年回憶嚕~!!
我地去到其實都係望左一陣間就已經即走,事關現場真係好多人呀~!!

今次見面除左講到旅行野之外,工作方面事宜都有繼續談及一下啦~!!
當然大家見面都會關心下大家,同時又會就住不同事宜一齊去分析下~!?
最終部份就係講到感情同結婚問題,而我就梗係聽下兩位女仔角度點睇~?!

我發現絕大部份思維模式都係一樣,而佢地都明白女仔比男仔諗野複雜~!?
好多男女之間相處問題可以好簡單囉,好多時爭拗就係睇下個定位係咩嚕~?!

至於講到求婚一事方面,阿Ming已經講到Kris呢方面真係唔夠醒目呀~?!
事關一直以來大家都睇好佢地,同埋都已經成日問及佢地計劃幾時結婚啦~?!
當然佢地兩位都已經有左相關計劃嚕,現階段睇落只係時間性問題啦~?!

而另一伴除左同自己相處之外,能唔能夠成功打入自己生活圈又係重點~?!
就住呢一方面今次大家都有談及到,我地都明白可以做得好其實真係好難~?!
當中有絕大部份人都係好難打入另一半個圈子,所以呢個原來都係考驗o黎~?!