今晚到屈姐同我慶祝食生日飯，而原定安排就因為大雨而改變啦～！！
原本我地係諗住晚飯之後，就過去屯門碼頭到行下海傍傾下計～！！

至於今日就因應返佢早完成上段時間，所以我地就4:00PM會合～！！
及後就出左去市中心同埋Vcity到行街，事因我地都各自有野想睇～？！

好耐都冇試過好悠閒咁一齊行下街，而我都想睇下有咩新衫褲買嘛～？！
雖然我都已經好耐冇出去買過衫，所以咪趁住近日減價咪睇下囉～！！

其實近年自己都真係買少左野，同埋我開始覺得自己好似有ｄ唔平衡～？！
我連自己都唔知道究竟係自己需求低左，定還是係自己要求高左呢～？！
好似睇左ｄ野之後都冇咩衝動想買，再者我都會諗清諗楚先決定係咪要～？！

至於佢都有同我談到關於家族事宜，事因佢早前較大型聚會就缺席左～！！
再者近年佢同大家都好似唔太夾到咁，引致佢都少左同大家圍埋玩～？！
不過下月暫時就再有慶祝活動計劃，而佢就抱住一個睇下點o既態度啦～！？