一年一度正日生日終於都到，自己又大左一歲同時體會又多左喇～！！
至於今年繼續都係由阿仔負責同我過正日，當然新抱仔都有同場啦～！！

今日主要就分開三個場次，而全日安排方面都係由佢地兩個搞掂～！！
我地約左10:45AM就一齊搭車出尖沙咀，事因第一站係去洲際酒店食野～！！
呢到有一間有景又好多食o既高級日本菜，所以阿仔就先揀左呢到啦～！！

今日主要都係講下大家最近工作情況，究因我地三個呢排都好忙嚕～！！
特別阿仔最近就更加要成日返大陸工幹添，所以佢就真係比較辛苦呀～！！
至於新抱仔早前就去完冰島旅行，所以佢都有同我地分享下當中經歷啦～！！

至於我今年大部份計劃都可以跟時間表完成，目前只係差下半年o既野未完～！！
事因下半年自己都有旅行計劃，同時又要做阿仔個生日計劃同部份家族事宜～！！
畢竟尋日同家族Ｄ人見完面之後，佢地都有提到下半年想有一至兩個活動～！！

至於我地完左第一場之後，中段時間就去左一間Party Room到玩影相呀～！！
呢到間房雖然就係細細地咋，但我地又玩左一大輪影相兼打左一輪機呀～！！
其實都真係好耐冇試過搵返以前做學生o既感覺，加上我又極少打機添～！？

兩場前後完成晒之後，第三場晚飯時間就返去元朗Yoho mall到食中菜～！！
不過呢一站就得返我地兩仔爺，因此我地就趁住呢部份時間去真正傾下計～！！

除左回想返過去唔少事宜之外，同時大家都有檢討下近日所發生o既事宜～！！
當中透過唔少問答裡面反我令我更加了解自己，同時阿仔亦都感慨過去啦～？！
佢都曾經講過若然我冇出現o係佢人生，好可能佢未必會有咁多變化同進步～！！
再者好多價值觀上面o既野都源自於我，所以我自己都既感慨又開心囉～！！