本年度第三場高層生日飯局出現，咪即係我o既生日慶祝飯局囉～！！
其實之前為左夾日子都轉過幾次，不過最後都係揀左呢一日啦～！！

而今晚出席就有我、司欣、子瑜、世俊、Jacky及Phoebe啦～！！
至於今日全部野都係由司欣負責晒，所以我地都算係輕鬆啦～！！

我地約左7:00pm去到元朗食放題，當然今日呢場算係多人啦～！！
事因之後場次都唔係多人兼且係打散，而且我都冇乜所謂嚕～！！

今晚見返好耐猜出過場o既Jacky，佢就繼續負責放笑彈啦～！！
加上子瑜同場就更加有化學效應，同時Phoebe最近就忙於養胎～！！
因為佢早前做完一系列檢查之後，就話預產期有機會提前呀～！！

至於我地圍埋當然少不免就講下工作，而且司欣最近又升左職添～！！
而有關生活問題方面大家都有分享一下，或者叫做俾個機會大家呻下～！！
可能人大左話題都係變得成熟左，所以今日大家探討o既事都係好認真～！！

至於司欣升左職一事，佢就話將於稍後時間會再同我地食飯慶祝喇～！！
同時今日大家都有繼續講到旅行一事，而暫時大家只提到澳門咋～？！
事因長trip就仲有夾其他時間同埋因素，所以現階段只可計劃於2019年～！！