一個好好耐都冇出現過o既組合，今日終於再一次一齊出外玩下～！！
夾左時間一齊出去輕鬆行下同埋影下相，變左呢排經常o既節目呀～！！

今日約左1:15pm出去觀塘會合，至於同行o既就係屈妹同埋屈姐啦～！！
而今日行程目的地就係去郵輪碼頭同埋觀塘海濱，事因我地都未一齊去過～！！
加上之前周屈妹夾行程o個陣，佢都表示對呢個計劃有興趣同係想去嚕～！！

我地今日會合左之後就先食左個Lunch，呢個時候就梗係吹陣水先～！！
事因月屈亦已經計劃左有另一個飯局，所以趁今次咪大定講下囉～！？
當然大家都不忘呻下近日事宜，畢竟工作都應該係最令人困擾o既事情～！！

先後去左兩個景點到行下兼影返輯相，其實出外有三個人真係相對較好～？！
雖則之前o既組合已經好難再成行，所以我地都珍惜大家夾到時間就聚下～！！

至於去完晒兩個景點之後，屈姐就先行離開去左佢另一個飯局啦～！！
而我同屈妹就決定一齊返入屯門先晚飯，而呢個時間先講一下秘密啦～！！
始終呢排都有唔少野發生，而我都冇將呢Ｄ野同其他人講過或表態太多～？！

好多時間都只係會同佢私下傾，所以趁住今晚食飯咪一齊去傾下囉～！！
好多事情表面見到o既同實際要處理，始終都有唔同兼且要考慮好多問題～？！
至於佢下個月個生日飯局日期，我地已於埋尾時間夾好兼要著手準備喇～！！