已經係本年度最後一個月喇，至於本月第一場聚會就安排左今日下午啦～！！
雖則今個月假期相對係較平時多，但夾到o既時間盲唔一定係多到喎～？！

事因今個月好多人都計劃去旅行，因為阿Ming同阿沈將於月尾去台北～！！
所以我地夾過之後就揀今日見下先，同時阿Ming之後就開始返新工添喇～！！

由於大家夾完之後覺得今日較好，但夜晚佢地又有其他場次要出席啦～？！
所以我地今次決定約1:00pm去旺角食lunch，事因早ｄ開可以傾多陣嘛～！！

是次會面主要咪講下最近生活同工作o既事宜，畢竟大家都係先講下近況～！！
及後我地就轉為講一下來年活動計劃，事因我地之前計劃北上一事都未成事～？！
但係今年時間已經就o黎到尾聲啦，所以就算要搞都係要等到明年先得喇～！！

至於講及關於拍拖同結婚問題方面，阿Ming就講到只係等緊阿Kris表示啦～！！
我地三個都一致認為結婚可以唔大搞，但結婚相就點都要影返一輯做紀念呀～！！
再者我地三個都係怕麻煩之人，所以我地都覺得結婚擺酒只係一場show囉～！！

講完最近日常生活問題之後，大家當然都會為旅行事宜去分享一下經歷同感受～？！
事因佢地兩個本年度都去到唔少次旅行，加上稍後時間又話已經要去添嚕～！！
雖則今次見面只係得我地三個人，不過一樣無礙我地繼續講下笑同傾下計o既～！！