今日正式開始我個長假期，而第一日開始就已經要忙於出席活動喇～！！
由於最近Fred連續幾日爆出左唔出負面新聞，所以我地圈中人都幾苦惱～！？

加上今日於銅鑼灣又有活動，所以我地今次都特登齊人出去支持佢啦～！！
由於近日都俾佢堆新聞影響到情緒，但幸好我自己就調整得比較快～？！
當出到活動現場見到大家o個陣，少不免都會同各自談論到最近事宜嚕～！？

但正正因為今日有活動關係，所以我地就事前考慮過更加想大家出齊啦～？！
而我今日更加因為玩遊戲而又再被派上台，佢地話我上去陪下Fred都係好事～？！
我當然可以好肯定佢認得我啦，再者琪琪佢地都話Fred一向對我都有特別感覺～？！
事因由之前唔熟變到認得，再加上之前種種o既原因就更加令佢好記得我囉～！！

所以上到台見到佢o既時候，我都的確有感覺到佢係有種安慰o既感覺嚕～？！
而且呢排又係重要時間，我當然更加知道咁樣情況下係唔容許我咁快抽身住～？！

至於完左上半場商場活動之後，我地就一行五人去左食返個下午茶先啦～！！
大家o係呢個時候心情就相對平復返喇，事因佢地都見到好多人仲撐Fred嘛～！！
我都可以理解佢地因為過於沉迷而太上心，至於我自己就屬於理性派嚕～！！

而下段時間方面就早前已經約好左啦，事因今晚〝與諜同謀〞就大結局喇～！！
所以佢地早前都話左想約埋一齊食飯兼睇劇，同時今次都可以趁機開下會嚕～？！

我地去左尖沙咀一間餐廳到打邊爐，當然中間就梗係有談及到個會同埋新聞～？！
大家亦都有就住各個問題表達過自己o既想法，但同時都希望Fred真係要生性～！？
圈內人可以做到o既野都已經叫做晒喇，我地都深明幫得一次未必幫到第二次～！？

而隨住呢套劇即將完結之後，我稍後生活時間上o既安排亦會重新調整過啦～！？
由於早前因為追劇而封晒時間唔接活動，之後時間就需要開始重新接受排期～！！