2016-07-31 10:07:56Ethan~

31/7/2016


本年度生日飯局唔經唔覺已經o黎到尾聲,而今晚就係最後一場喇~!!
連續出席左唔同朋友安排o既飯局,最難得o既係可以開心咁聚一聚~!!

而今晚就由屈姐同埋屈妹負責尾場,至於地點就揀左去藍地食泰國菜~!!
呢間野其實之前我同屈姐都冇o黎食過,但屈妹就話試過覺得唔錯而推介~!!

圍埋第一件事就梗係講下八卦野,主要都係先講講生活同埋工作上o既事~!!
由於我即將離任宜家工作o既部門,所以最近都有唔少好笑事可以同佢地講~?!

當然除左講到我地自己o既野之外,身邊其他成員o既事都會有提及到啦~?!
雖則今次唔係好重點咁去講每個人,但盲住唔同近期新鮮事都會講到下囉~?!

而且我地都要夾一夾稍後有咩活動,再者我地又講過下未來會有旅行啦~?!
雖然我地現階段都未知幾時先可以成事,但宜家傾o既主打都係短途旅行~?!