之前約左一次話食飯但因為要改期，所以飯局就要延至今晚喇～！！
再一次又係我地四個約出o黎啦，至於地點就仍然都係去旺角～！！ 

約左6:30PM出去旺角會合，而今次就出奇地大家都算係準時呀～！！
晚飯地點其實事前都已經揀好左 ，所以會合左之後咪即時過去囉～！！
由於今晚我地約得算早開始，所以呢個時間都唔算有太多人等位～！！

圍埋首先就係講下大家近況啦，畢竟我地都有一段短時間冇聚啦～！！
同時今晚都講開大家都要準備轉工喇，而且大家對於甩難都感到高興～！！
或者係因為大家呢排工作壓力都唔細，所以呢部份大家都好多野分享～！！

我地除左講到近期工作事宜之外，當然最近o既生活事都會有講下啦～！！
阿沈就提到自己再次準備去日本旅行十日囉，搞到大家都好想打獲佢呀～！！
講到約埋出去玩下之時，我地今次就談及到不如約返一轉簡單澳門行～！？

現階段大家對於一齊出去玩都好開心，或者係因為同大家轉工成功有關～？！
所以我地傾左之後就暫定七月尾就會成事，至於進一步計劃就稍後再夾喇～！！

完左今晚第一轉晚飯飯局之後，我地就決定轉個另外個場去食返個糖水啦～！！
至於呢部份反而我地就轉為講下感情事，同時又談及到關於交朋友o既事～？！
呢轉就因為阿Ming有D唔舒服而先行離場，至於我地三個就影下相又講下笑～！！
玩完一大輪又食晒所有野之後，我地又係時候一齊行過去火車站到搭車返屋企～！！