今晚係農曆新年o既年廿九，所以我地都原先計劃大家聚一聚～！！
至於我同Phoebe及Jacky就約左出o黎，事因我地真係要聚下喇～！！

畢竟三月份計劃左會一齊去旅行，所以想趁今晚有機會就夾埋Ｄ野啦～！！
至於司欣原本都會出席今晚個聚會，點知佢最終又因為訓著左而甩底呀～！！

約左9:00pm出去市中心會合，因為原定係打算食住甜品一齊傾野啦～！！
咁我地就先趁呢個時間講下最近生活事，之後就真係轉為講下旅行計劃喇～！！

由於我地都已經一段時間冇聚過，所以今晚都真係有好多野可以講下啦～！！
當然除左提到自己野之外，身邊唔同o既朋友今轉都有提及到兼講下啦～！！
但正正因為司欣甩左底o既關係。所以Jacky現階段就決定暫時飛起佢喎～？！

完左晚飯之後就一齊去左屯門花市行一陣，但因為呢到實在係太多人太迫喇～！！
所以Phoebe買左個氣球之後就散水，而我就上左佢地屋企到吹水兼抽利是～！！
佢地話係我先有特別版抽大利是咋，最終我都抽到其中兩封最大及次大o既～！！

及後我地就再次夾夾去旅行o既事，因為我地都係時間傾下旅行目的地喇～！！
現階段都可以話有晒初步共識，但最終就仲有睇Phoebe同司欣點樣協調返～？！
始終佢今晚甩底一事的確引起大家不滿，畢竟大家都已經冇晒期可以再夾出o黎～！！