今日繼續第二日o既聖誕假期行程，而是次換入o既主角就係屈妹啦～！！
諗返轉頭都好耐冇試過同佢兩個人外出，而今次就特意揀返個節日見見面～！！

今日約左2:00pm出去中環睇燈飾，而事前當然就係約去960車站會合先～！！
其實佢每逢特別日子都會為身邊人準備小小心意，而對我當然亦都唔例外～！！

去程期間首先都係講下大家最近生活事，又講下大家最近工作情況係點啦～？！
之後我地就轉為談及下身邊人o既事，而我亦有就住最近o既事同佢分享下嚕～！！
畢竟阿仔同埋『愛人』最近都先後有事發生，所以我都有趁榭傾傾呢方面～！！

去到目的地之後，我地當然就係先去睇睇o係個場入面一個好靚o既擺設啦～！！
今次置地廣場以熊仔作為主題，成個場都會有唔同o既熊仔做擺設俾人影相～！！
正正就係因為咁而令到我地都想去睇睇，所以下午就開始左尋找熊仔的時間～！！

完左呢一場節目之後就梗係仲有下一場，及後我地就轉戰中環海傍到睇摩天輪～！！
由於我地兩個都開始有少少餓，所以我地就o係碼頭附近到買左少少野食下啦～！！

及後就坐船去返尖沙喧同埋旺角都行街睇野，當然呢兩個地方o既人流亦非常多～！！
邊行就邊繼續咩都傾下啦，至於阿妹就係一直係咁睇佢喜歡o既首飾同埋公仔～！！
最終佢就梗係有收穫兼亦為其他人準備左禮物，而呢轉佢亦再買左少少野送俾我～！！

我地一齊行左近大半日時間之後，我地都係時候諗下要去搵野食做今晚晚飯啦～！！
由於我地都想揀Ｄ比較簡單o既野食，所以我地最終就去左旺角到食潮洲野嚕～！！

其實今日除左談及到自己同身邊人之外，少不免大家都有講到以前o既生活同感覺～？！
經歷左呢一年o既事宜都的確令到大家成長左，同時大家都好感慨時間o既流逝呀～！！