本年度最後一個月時間，而今日率先出場o既就係好忙o既阿仔啦～！！
由於呢個月好多人時間都好緊迫，所以排期方面都要用多左時間夾～！！

至於今晚就係由阿仔負責，而佢今次就想同我出去沙田到睇燈飾喎～！！
事因我地每年聖誕節時間都會夾埋聚下，通常都會外出睇下節日野啦～！！

但由於下半個月時間仲有其他野要搞，所以佢就揀左今晚先行打頭陣～！！
佢約左我6:30pm左右o黎接左我先，之後佢就直接出車去目的地啦～！！

相比返之前o個幾次會面，我地今晚其實都係比較輕鬆同埋簡單化啦～！！
畢竟都就快係開心o既聖誕節，所以有咩事都想過埋呢段時間先再傾嚕～！！

至於月尾時間佢就仲有一場出現，而呢場佢就預告左話係去玩錄音喎～！！
其實今晚 我地都有就呢個問題傾過，雖然我同佢平時都有一齊去唱Ｋ啦～？！
但係真真正正走去錄音室錄歌就真係好爆，加上我又覺得好新奇兼緊張～！！

事關佢日前問及我．．．如果要我揀五首歌錄一隻ＥＰ，我會揀咩歌～？！
我都已經覺得肯定係有Ｄ古怪，而且佢又係咁叫我揀好歌就操返熟先喎～！！
我絕對明白阿仔係好想俾個難忘經歷我，不過我就對自己都幾有要求啦～？！

始終今次係錄歌而唔係就咁唱一次ｌｉｖｅ就算，所以事前都要準備下啦～？！
就住呢方面問題暫時都已經有共識，至於明年計劃將於稍後時間正式同佢傾～！！