2015-09-26 18:03:03Ethan~

26/9/2015


今日係本月最後一波見到個仔,而呢次會面只係臨時特別加場o既~!!
事因近日好快就係中秋節啦,但我同佢就應該夾唔到一齊過節啦~!!

所以佢就特意安排今早會面,而且佢今轉係仲有野係拎過o黎俾我啦~!!
尋日已經聞說佢磅數開始回落左少少,當然我就梗係希望佢keep住啦~!! 

同埋今日本本係計劃夾一夾下個月D期,但最終都係因為其他問題未搞~?!
稍後時間佢就會通知我邊日可以啦,事因佢最近都應該有好多場次要走~!!

加上今轉都聽到佢提及話身邊唔少朋友投訴,事關佢拍拖之後更加無時間~!!
就住呢方面問題已經傾左好多次,但我同佢都依然未有更多方法可以去解決~!!

隨住佢第十二周年慶祝活動完成之後,下月開始就要做返D正常活動同飯局~!!
當然年底前又係要傾來年度計劃啦,雖然我地之前都叫做夾過下明年有咩做~?!
但係本年度第四季o既事宜都依然要做埋佢,加上年底仲有一個大節日會出現~!!

而今次見面好簡單咁交代返最近會做o既事先,同時家族上o既野都有向佢提及~!!
至於本星期佢就話主打會留守返o係香港,主要原因當然就係要處理佢家庭o既事~!!

最後埋尾之時其實先係今日重點,事關佢拎左應節月餅俾外就仲有一樣野要俾我~!!
一封簡單o既信表達左佢想講o既野,加上之前一連串舖排真正為佢呢年寫下一D記號~!!