年度旅行計劃早前已經開始著手傾，而今日就同左表哥出去旺角一轉～！！
主要就係佢陪我一齊去買新相機，而且佢又同我補祝返我o既生日喎～！！

約左1:00pm出去旺角會合左先，及後就去左食返個韓式lunch啦～！！
中間當然就係講講最近o既事宜，至於重點話題都係擺返o係選行方面啦～！！

由於早前表嫂已經提出左想去韓國，所以我地今次就住呢個方向去傾啦～！！
之前我地都已經傾過想去釜山到玩下啦，所以前排都已經決定左去呢到喇～！！

今轉大家傾下計劃上o既細節先，例如係想去o既景點同埋交通等安排啦～？！
食完野之後當然就係去睇相機啦，畢竟我近年都開始柅換返部好少少o既相機～！！
或者係因為近年自己都喜歡左影下相，而且對上一部機都已經用左超過十年～！？

行左一段時間之後就鎖定目標，之後就梗係周圍去睇下價錢同埋試下d機啦～？！
最終我地都決定買Canon M3啦，而且呢部野的確係我地睇左咁多部中比較好～？！
完晒所有要做o既野就再對部機做初步研究，及後就去附近商場行左陣之後就散～！！