接近我生日時間就開始要慶祝下，而今年第一個生日活動就由阿仔負責～！！
今日約左2:00pm左右去到我附近會合，及後就梗係起程出去目的地到玩啦～！！

而今次行程就係出去荔園懷舊一番，所以我地就要會合埋一齊搭960出去～！！
至於事前當然就梗係因為個仔要忙公事，咁樣我就去買定少少野食俾佢頂下肚～！！
不過阿仔今轉都好醒目呀，事關佢知道今日要去戶外所以都已經做好晒準備俾我～！！

佢除左有買定野飲俾我之外，另外佢仲有準備埋風扇仔同埋遮俾我擋太陽及散熱～！！
至於去程期間就先交代返稍後個Camp啦，之後就轉為同佢講下下半年活動計劃喇～！！

事因過左我生日之後都有幾樣野o黎緊，特別就係個Camp、Fred演唱會及部份節日～！！
而佢最近同我都一樣忙緊好多工作方面o既事，所以我地就好似以往咁傾好晒數先啦～！！

去到目的地之後當然就係玩下遊戲同影下相啦，事因我地o黎得都係想有Ｄ收穫啦～！！
雖則我地玩左好多遊戲之後都係冇任何收穫，但最起碼我地都叫做有快樂過先啦～！！

玩完荔園之後就轉戰去政總海邊到行下，當然我地都繼續有影下相留返個紀念先啦～！！
突然間我地又諗返起好多以前o既時光，事關我地以前都好喜歡四圍去搵景點影相呀～！！
影完相又吹過下海風之後，阿仔就應我要求陪我去搭返一轉摩天輪兼又再影返堆相嚕～！！

原來坐住摩天輪望住香港個夜景真係好靚囉，及後我地都要準備返去尖沙咀食晚飯喇～！！
起初阿仔係計劃左o係樂園入面到食野，不過我地玩完之後都發覺唔對路而及早轉計劃～？！
最終阿仔就決定帶我去返尖沙喧一間餐廳食野，而呢到個環境同埋個景觀都係非常唔錯～！！

至於o係今日全日行程當中當然有傾過唔少野啦，回望返今年已經係阿仔出道第十二年喇～！！
能夠o係個圈留到超過五至十年都已經好犀利，更何況佢已經陪住我走過左十二個年頭～！！

對於未來同埋過去都有唔少感受同埋期望o既我地，o係今日會面過程中亦都有一去談及啦～！！
至於埋尾時間佢亦有講左個關於生意上o既秘密俾我知，當然呢個秘密係需要小心處理啦～！！
忘了嗎

小伙子穿過鬧市霎眼已不見 
歸家中寫滿快樂日誌 
細聽天台訴說 候鳥搬遷的故事 
懷念那 無眠夜晚細說的舊時 

今天起不再夢見拆卸那商店 
球場雨季後結疤掩蓋了光線 
遺留伏線 卻變遷 青春偏偏膚淺 
能重頭回味 童年如碰見 無辦法上演 

忘了嗎 高高低低早飄進生活亂流 
忘了嗎 跌跌碰碰感觸已片刻難收 
重回想這時候 回憶中再懷舊 
能留低親愛片段 世代永不白頭 
從日誌中望透 

街中的衰老脈膊 蓋過了聲線 
浮城厭棄舊記憶 空氣也抖顫 
情懷逆轉 尚太短 怎麼慨嘆仍然心酸 
愉快的 信仰能折斷 麻木已愈行愈遠 

忘了嗎 高高低低早飄進生活亂流 
忘了嗎 跌跌碰碰感觸已片刻難收 
重回想這時候 成長中早倦透 
回程的歲月裡 留駐與復原 一切氣候 

懷緬嗎 騙騙哄哄當天已不願逗留 
懷緬嗎 進退失據今天已無用藉口 
曾留守與承受 回憶中再懷舊 
從來假使這尾段 結局太短路程亦遠 總要走 

忘了嗎 高高低低早飄進生活亂流 
忘了嗎 跌跌碰碰感觸已片刻難收 
重回想這時候 成長中早倦透 
回程的歲月裡 能一切照舊 溫暖過傷口 

懷緬嗎 這片刻小子不再輕皺眉頭 
懷緬嗎 大理想背後仿似藏著永久 
曾留守與承受 回憶中再懷舊 
陳年的光線背後 笑著雨中漫遊 
來日看昨天星宿