近期開始著手去傾我地o既旅行計劃，不過最終都因為時間問題而未能落實～？！
正正因為咁就梗係即刻轉計劃搞Camp啦，所以我地咪要見面傾一下安排先囉～！！

今晚有我、司欣、Phoebe同Jacky一齊晚飯，而今晚Jacky就唔知點解心情好靚～！！
其實我地今次呢個飯局係由司欣負責約，而我地亦都真係已經冇圍埋一輪玩下啦～？！
最初司欣就提議去食Schoolfood啦，無奈市中心間分店至今都係仲未開張囉～！？

及後我地就轉左去食Pokkacafe啦，今晚大家圍埋諗野食之時都對自己好好呀～！！
畢竟呢排大家都心情好似唔錯咁，而且我地難得約埋一齊食野又一齊吹水梗開心啦～！！

開波之時就梗係先講下最近生活同埋工作，而大家得出o既結果當然就係好忙啦～！！
我地講完下自己部份之後就轉講下其他人o既事，當然Tracy準備再婚一事亦係話題～！！
至於今晚重點商討就梗係我地個Camp啦，事因我地現階段想7月左右就要成事嘛～！！

由於我地四個已經有初步共識，所以我隨即就開左個group通知各位有關事宜啦～！！
當然是次活動參加人士名單亦於早前講好，今晚只係做埋進一步確定就可以出通知～！！
我地呢班朋友近年的確好難齊到人出活動，所以我地先想趁今次俾大家圍埋玩返轉～！！

始終大家宜家都忙住工作同生活事，加上如果要出Trip呢個陣容就絕對唔可能做到啦～！！
同時今晚亦都有提到朋友間o既相處問題，或者我地都希望身邊o既朋友係可以共患難～？！
時間過左咁耐加上各種情況出現之下，我地先更加明白到點堆朋友係真係可以繼續玩～！！