2015-02-27 11:26:44Ethan~

27/2/2015


今晚原定就只係約左Issac食飯傾下計,事因我地兩個都有一段時間冇見過面喇~!!
至於Tina原先個期就安排左係明晚o既,不過佢下午先醒起自己明晚原來約左公司同事~!!

加上我同Tina都已經夾過下個期,如果今晚約唔到就最快要排到去兩星期後先會有期~?!
所以佢就寧願今晚收工後就由旺角入o黎屯門,事因我同Issac約左去屯門市中心晚飯嘛~!!

我下午就返左公司一轉探下班同事,大家講下笑又見下面咁就過左一個好玩o既下午啦~!!
及後我就出左去市中心會合左Issac先啦,因為我地頭轉都係講下最近生活同埋拜年o既野~!!
再者我地又要等埋Tina返到o黎先過去食飯,所以我地最終就去Starbucks到坐低傾返陣先~!!

對於好多唔同問題就先問左Issac睇法啦,但佢最初段真係唔係好識俾到自己睇法我囉~!!
及後等到Tina都到埋之後咪詔去食晚飯,而呢個時間咪三個先一齊幫我度度我條感情線囉~!!
事因早前我同Tina去睇新城Show當晚,佢都已經叫做率先見過琪琪兼叫做有d印象嘛~!!

傾左一大輪之後除左講左唔少笑話之外,當然佢地兩個亦分別俾左佢地o既意見我啦~!!
畢竟佢地兩個都各自有經歷同埋唔同處理方法,加上年輕人o既意見可能又會有唔同呢~?!
到聽完晒佢地意見之後,我就會再加埋早前已經聽左o既各人o既唔同意見或方法再諗點做~!?

雖則去到現階段各朋友都認為我絕對有機會,但係我就始終都怕怕地最終原來係搞錯~?!
而且我同佢日後仲會有好多場合會同場或見到面,所以我先更加要小心去處理呢個問題嚕~!!

至於今次最尾時間部份就交俾Tina講佢o既事,因為佢日前為左佢計劃結婚一事同家人開過火~?!
而我同Issac聽完晒佢講之後,當然就照舊一一咁同佢分析晒所有問題及俾方向佢去諗點做~!!
呢期身邊都有已經唔少人同我講話計劃結婚,甚至呢年內就會結婚而令我都開始考慮呢個問題~!!
不過對於感情或婚姻問題一向謹慎o既我,首要o既問題當然就係要搵到個適合我o既人先啦~!!