本年度真係一個多事之秋，每每呢Ｄ狀況出現得多就會令自己有更大o既反省囉～？！
到底呢一年所經歷左o既事真係會令人成長，同時亦都令我有更多體會同埋感受～！！

年頭時間比起往年同樣時間竟然更為平淡，事因Phoebe一連幾個月都唔舒服嘛～！！
所以我地年初時間見面時間都係少左，至於年初比較多出現o既人相反於年底就少左～？！

至於阿仔就梗係由年頭帶到落o黎年尾都有出現，雖則次數方面同往年都係咁上下啦～！！

第一季時間主要都係以簡單見面為主，畢竟宜家都各有各忙而令我地少左聚埋喇～！！
加上近年一年比一年多問題發生，當中所涉及到o既人事或感情問題就係致命傷囉～！！

近年度好多朋友私下同我都可以話係較好關係，但將佢地擺埋同一場合似乎就好難喇～？！
加上佢地之間出現心病之後又再將心機擺晒落去拍拖，出席活動次數簡直就係少之又少～！！

今年年中時間再有唔少朋友加入結婚行列，雖然前後兩場婚宴我地都無參與其中啦～！？
不過我內心都希望佢地幸福美滿，始終成家立室之後就係人生另一個新o既階段嘛～！！
而除左有朋友成家立室之外，今年我身邊兩位重要人物亦先後向我宣佈搵到對象拍拖啦～！！

面對感情問題好多人都有唔同o既處理方法，今年我相對就少左接呢Ｄ個案去處理嘛～？！
事因我近年都開始想過返Ｄ平淡o既生活，加上今年自己都唔係太在狀態兼且經常病呀～！！

面對好多離離合合當然有唔開心啦，但我地總要學識放低失意同埋繼續向前行落去嚕～！！

至於首三個月時間主要都係得一次活動，事因屈姐同埋屈妹今年終於都畢業於社工系～！！
而第二季時間當然就係有Phoebe生日飯局，畢竟呢個聚會都可以話係近年主打節目之一嚕～！！

往年好多人o既生日或者都會有飯局約埋玩下，不過今年呢類約會都已經減到得返一兩個～！！

新舊交替當然亦都係每年會出現o既現象，至於今年Issac就係年度比較有心o既新人啦～！！
近年尾時間再度有新人出場兼且帶o黎一個新關係，雖然呢個新人唔會計入今年o既新人裡面～！？
不過隨住新抱仔o既出現就將會有一連串o既野改變，幸好佢登場之後都獲得大家讚許啦～！！

回望返今年自己的確好多野都唔太順利，身體方面竟然先後出現左兩次好麻煩o既問題囉～！！
頭一次已經搞到自己停工近兩星期，估唔到年底竟然整多單入院兼且仲要停工兩個月o既意外～！！
而我慶幸o既係一直都有唔少關心自己o既人，無論係朋友定同事o係呢兩轉都俾左好多支持我～！！

至於今年自己生日方面就比較簡單啦，今年真係已經唔似以前咁會大搞聚會圍埋一齊玩喇～！！
反而好多朋友都會私下約我出去食飯慶祝下，或者咁樣仲可以俾我睇到邊Ｄ朋友至係有心人嚕～！！

今年先後去左兩次迪士尼玩，而今年令我覺得最開心o既時間反而就係自己生日附近幾日咋～！！
可能係因為身邊重要o既人都有陪住自己過，而且我又可以趁呢Ｄ時間真正放空自己去靜下啦～！！

當然阿仔o既生日同樣係玩高級享受為目標啦，不過今年佢o既生日竟然o係八號風球下度過呀～！！

另一方面．．．
今年自己都突然起左好大變化同做左好多新嘗試，事因自上年喜歡左阿Fred之後就有左改變囉～？！
以前我從來唔會做o既野都已經於本年做過，或者呢個人o既出現可以令到我搵到一種唔同o既快樂～！！

至於演唱會方面就一向都係喜好啦，事因年尾時間我就已經先後睇左兩個唔同歌手o既演唱會啦～！！
第一個就梗係先睇Fred成為歌手後首個演唱會，至於另外一個就係冇原定計劃會睇o既Sammi喇～！！

放眼世界會令人學會珍惜生命，本年度自己本身都冇咩特別計劃話一定要o係2014年裡面完成～！！
而今年近年底時間終於都去左一轉韓國旅行，當然是次一同出發去o既人都係以往咁o既組合啦～！！

另外．．．
今年原本都有打算為自己開一個音樂會o既計劃，無奈因為身體問題而未能趕及完成呢個心願～！！
始終o係今年都見到咁多事情發生o既時候，我先突然好想趁自己仲有時間就為自己圓左個夢想嚕～！！

今年先後經歷左好多大起大落之後，或者真係令到我自己對於身邊人o既睇法都唔同左好多呀～！！
以往自己都覺得自己係比較有要求o既人囉，但係今年我自己對於好多身邊o既事反而都放輕左～！！

而呢年『愛人』就真係有一個好大o既改變，或者都係因為有左經歷而令佢對自己有所反思啦～！？
當你經歷過生死或者面對過摰親離開之後，相信大家都一定學到把握現在同埋珍惜身邊人嚕～！！